"ISANG DIPANG LANGIT"

NECHOLLE PACON DULDULAO       

BSCRIM 2D

ISANG DIPANG LANGIT

      NI ALMADO V. HERNANDEZ        

Ako’y ipiniit ng linsil na puno
hangad palibhasang diwa ko’y piitin,
katawang marupok, aniya’y pagsuko,
damdami’y supil na’t mithiin ay supil.

Ikinulong ako sa kutang malupit:
bato, bakal, punlo, balasik ng bantay;
lubos na tiwalag sa buong daigdig
at inaring kahit buhay man ay patay.

Sa munting dungawan, tanging abot-malas
ay sandipang langit na puno ng luha,
maramot na birang ng pusong may sugat,
watawat ng aking pagkapariwara.

Sintalim ng kidlat ang mata ng tanod,
sa pintong may susi’t walang makalapit;
sigaw ng bilanggo sa katabing moog,
anaki’y atungal ng hayop sa yungib.

Ang maghapo’y tila isang tanikala
na kala-kaladkad ng paang madugo
ang buong magdamag ay kulambong luksa
ng kabaong waring lungga ng bilanggo.

Kung minsa’y magdaan ang payak na yabag,
kawil ng kadena ang kumakalanding;
sa maputlang araw saglit ibibilad,
sanlibong aninong iniluwa ng dilim.

Kung minsan, ang gabi’y biglang magulantang
sa hudyat – may takas! – at asod ng punlo;
kung minsa’y tumangis ang lumang batingaw,
sa bitayang moog, may naghihingalo.

At ito ang tanging daigdig ko ngayon –
bilangguang mandi’y libingan ng buhay;
sampu, dalawampu, at lahat ng taon
ng buong buhay ko’y dito mapipigtal.

Nguni’t yaring diwa’y walang takot-hirap
at batis pa rin itong aking puso:
piita’y bahagi ng pakikilamas,
mapiit ay tanda ng di pagsuko.

Ang tao’t Bathala ay di natutulog
at di habang araw ang api ay api,
tanang paniniil ay may pagtutuos,
habang may Bastilya’y may bayang gaganti.

At bukas, diyan din, aking matatanaw
sa sandipang langit na wala nang luha,
sisikat ang gintong araw ng tagumpay…
layang sasalubong ako sa paglaya!

                                              


1. Basahin atbsuriin ang mensahe ng tulang "Isang Dipang Langit" ni Amado V. Hernardez

*Suriin kung anong uri ng tula? Anong teroryang pampanitikan ang angkop gamitin sa pagsusuri?


        Ang tulang "Isang Dipang Langit" ay masasabing isang tulang sanaysay na nag teoryang pampanitikan na ginamit sa pagsusuri ay ang teoryang Sosyolohikal. Ang tulang taglay nito ay kalungkutan dahil nadarama sa bawat salita ng tula ang dinaranas ng manunulat ang kanyang pagkabilanggo sa kulungan na kahit siya ay walang sala, nahihirapan ito at puno ng poot o galit at ang kanyang hinahangad ay ang hangaring makalaya. Inilarawan rin itong tula ng pag-asa dahil ano mang paghihirap na madadanas mo/natin ay itatak natin sa ating sarili na huwag susuko sa mga problemang hinaaharap o haharapin dahil sa tuwing nabubuhay pa tayo ay nabubuhay din ang pag-asa na dadating sa huli at ito ang tagumpay.


*Piliin ang pinakamagandang saknong na iyong nagustuhan at bigyan kung bakit mo ito napili.


Nguni't yaring diwa'y walang takot-hirap
at batis pa rin itong aking puso:
piita'y bahagi ng pakikilamas,
mapiit ay tanda ng di pagsuko.

         Napili ko ito bagkus napakaganda ng sinasabi rito at pinapahiwatig na dapat tayo ay may matatag na loob dahil kinakailangan natin ito sa ating buhay laong lalo na ang mga taong may mga negatibong kalooban at kaisipan. May mga pangyayari na hindi natin mamamalayan na darating sa ating buhay kaya't hindi natin nawa alisin sa ating kalooban na kahit ano mang pagsubok ang darating sa ating buhay ay kailangan natin maging matatag at lakasan ang loob at alam nating may awa ang Diyos na hindi niya tayong kinakalimutang bigyan ng pag-asa sa anumang problema na ating kakaharapin. Pinapahiwatig din rito na kahit nasa kalagitnaan ka ng problema ay hindi tayo matakot bagkus nanjan ang pag-asa sa ating buhay at habang tayo ay nabubuhay tayo ay humingi palagi ng lakas at pag-asa sa nakakataas. 


2. Ipakilala ninyo sa akin si Amado V. Hernandez sa loob ng 50 na salita.


        Si Amado Vera Hernandez ay ipinanganak sa Tondo, Manila noong ika-13 ng septyembre. Sikat na peryodista, nobelista, mandudula at manunulat ng mga manggagawa at itinanghal siyang orden ng mga pambansang alagad ng sining sapagkat isa siyang pinuno ng mga Pilipinong manggagawa. Sa kanyang mga tula masasalamin ng lahat ang marubdob na pagmamahal sa mga duhkang mangagawa.


3. Ang maikling kwento ay halaw sa "Isang Dipang Langit"


        Noong unang pahanon may isang lalaki na ikinulong nang walang sala. Tinanggap na lamang ito ng labag sa kalooban dahil wala naman siyang kapangyarihan upang labanan ito. Labis ang pighati at kalungkutan na nadarama ng lalaking ito at mukhang hayop tratuhin sa loob ng bilangguan ngunit hindi niya pinairal ang kanyang takot sa mangyayari dahil alam niyang habang siya ay nabubuhay, siya ay may pag-asa at alam niyang nariyan ang Diyos na maggagabay sa kanya habang buhay pa siya. Hinahangad at pinagdarasal ang kalayaan upang makamit ang tagumpay na magbibigay ng kapayapaan sa kanyang buhay.




Comments

Post a Comment

Popular posts from this blog

"ISKWATER"

Image
  1.Ano ang sentral ng paksa ng sanaysay? Isa sa mga dahilan kung bakit sila nakatira sa ganitong klaseng lugar ay na tulad ng iskwater ay dahil sa kahirapan. Ang mga taong walang kapera-pera ay napipilitang tumira rito na kahit nagsisiksikan sila, marumi at maingay dahil dikit-dikit. Sa tingin ko naman ay ang pinaka sentral ng paksa ng sanaysay ay patungkol sa mayaman at mahirap na tao dahil sa sumulat ng sanaysay na ito ay inilalarawan niya ang buhay ng mayaman at buhay ng mahirap. Nakakalungkot isipin na bakit kailangan ang mayayaman na tao ay kailangang sumiksik sa lugar ng mga mahihirap na kung saan mas lalong malulungkot at magkakaroon ng kainggitan sa puso ng mahihirap at mas lalo lang nila pinasikip ang lugar ng mga iskwater dahil ang mga tao dito ay nakakapaglaro pa sila at nagsisisyahan kahit na sila’y mahirap lamang ngunit noong dumating na ang mga mayayaman biglang nawala ang lahat. Wala naman magagawa ang mga mahihirap dahil mas mataas at mas mayroong kapangyarihan ang...
Read more

BABAE KA BY ANI MONTANO

Image
NECHOLLE PACON DULDULAO  BSCRIM-2D   BABAE KA (Babae Para sa Kaunlaran) NI ANI MONTANO PAGATATAYA 1. Paano inilarawan ang babae sa awit? Inilalarawan ko ang babae sa awit bilang isang matapang at magiting na tao dahil pinapakita niya kalakasan ng loob at hindi lamang kagandahan ang naipapakita niya sa mundo. Pinatunayan dito na kahit babae ka ay may karapatan ka dito sa mundo, karapatang ipaglaban ang tama bilang isang babae. kailangan nating lumaban na mga babae dahil tayo ang kawawa sa huli dahil alam natin na ang mga lalaki ay kaya tayong saktan at abusuhin. At ang huling pinakamagandang mailalarawan ko sa ait na ito ay kahit mahina tayo sa ating lakas, malaki naman ang biyayang handog ay kaisipan. Lahat tayong babae sa mundo'y may ganap na tungkulin sa sarili natin kung tayo'y tinapaktapakan at inabuso, kumaban tayo dahil pareho lamang tayong tao dito sa mundo at lahat tayo ay may karapatang itama ang mali ng iba upang makamit ang kalayaan na hinahangad. 2. Sang-ayon ka ba...
Read more

BLOG NO.3

necholle pacon duldulao bscim 2d "SANAYAN LANG ANG PAGPATAY" FR. ALBERT ALEJO, sr pagtataya at gabay sa pagsususri. 1. Sino ang personang nagsasalita sa tula? Ano ang kanyang sinasabi? -Ang personang nagsasalita sa tula ay ang may akda nito. Ang kanyang mga pinapahiwatig o sinasalaysay sa tula ay kung paano ba pumaslang at para itong gabay at nagtuturo kung paano pumaslang ng panandalian lamang. Sa tulang ito dumadaloy sa pagsasalaysay tungkol sa pamamaraan kung paano pumatay ng isang butiki na maihahalintulad sa pagpatay sa tao na walang kaya. 2. Ano’ng hayop ang pinapaslang sa tula? Paano ito natutulad sa pagpaslang sa tao? -Ang hayop na pinapaslang sa tula na ito ay isang butiki. Ito ay maihahalintulad ko sa buhay ng mga tao na walang kaya dahil ang mga taong katulad nilang mga maangmang, inaalipin na lamang, nakatira sa gilid gilid, mga taong sunud-snuran na lamang at lalong lalo na ang mga walang kapangyarihan ay napakadaling paslangin katulad ng butiki. Ang buhay ng...
Read more